XƏBƏRLƏR Arxiv 229 Çap et
01.11.2022 / Konfranslar, iclaslar 8 noyabr - Zəfər Günü münasibətilə tədbir keçirilib

Bu gün akademik Abdulla Qarayev adına Fiziologiya İnstitututunda 8 noyabr - Zəfər Günü münasibətilə tədbir keçirilib.

İnstitutun icraçı direktoru, professor Əhməd Hacıyev tədbiri acaraq qeyd edib ki, 44 gün davam edən bu müharibədə Silahlı Qüvvələrin Müzəffər Ali Baş Komandanı İlham Əliyevin rəhbərliyi altında rəşadətli əsgərlərimiz 30 ilə yaxın bir zamanda erməni tapdağı altında inləyən torpaqlarımızı işğaldan azad etdi, qaçqın, köçkün, didərgin həyatı yaşayan soydaşlarımızın həsrətinə son qoydu. Bu şanlı Qələbə hərb tariximizə Prezidentimiz, Silahlı Qüvvələrin Müzəffər Ali Baş Komandanı İlham Əliyevin və Azərbaycan əsgərinin adı ilə yazıldı. 2020-ci il Azərbaycan xalqının həyatına Qələbə ili kimi daxil oldu.

Daha sonra çıxış edən “Hüceyrənin morfofunksional plastikliyi” laboratoriyasının rəhbəri, biologiya elmləri doktoru Fəxrəddin Əsgərov bildirib ki, İkinci Qarabağ müharibəsi tarixdə Azərbaycanın şanlı qələbəsi kimi qalacaq. Bu qələbənin qazanılmasında bütün xalqımız birlik, həmrəylik göstərmişdir.

Sonda institutun əməkdaşı, İkinci Qarabağ müharibəsində Füzuli, Cəbrayıl, Zəngilan və Qubadlı rayonu istiqamətlərində gedən döyüşlərdə fəal iştirak etdiyinə görə Azərbaycan Respublikası Prezidentinin müvafiq Sərəncamı ilə medalla təltif edilmiş qazi Vəliyev Arzuman Ənvər oğlu çıxış edərək keçdiyi döyüş yolundan, orduda olan böyük ruh yüksəkliyindən, vətənpərvərlik hisslərindən, Ali Baş Komandana sonsuz inamdan danışıb, Vətən müharibəsində sağlamlığını qismən itirən döyüşçülərə göstərilən dövlət qayğısından razılığını bildirib.

 

© Bütün hüquqlar qorunur. Xəbərlərdən istifadə edərkən www.physiology.az saytına istinad zəruridir.