Yeni ildən Azərbaycan Respublikası Elm və Təhsil Nazirliyinin Akademik Abdulla Qarayev adına Fiziologiya İnstitutu və Azərbaycan Fizioloqlar Cəmiyyətinin təsis etdiyi “Azerbaijan Journal of Physiology” jurnalı AGRIS beynəlxalq xülasələndirmə və indekslənmə sisteminə daxil edilib. 2022-ci ildən nəşr edilən jurnal insan və heyvan fiziologiyası, eləcə də biokimya, biofizika, molekulyar biologiya, farmakologiya, biotbb kimi əlaqəli elm sahələrində aparılan tədqiqatların nəticələrinə dair orijinal və icmal məqalələri dərc edir. Jurnal  Azərbaycan Respublikasının Prezidenti yanında Ali Attestasiya Komissiyasının dissertasiya müdafiələri üçün tövsiyə edilən dövri elmi nəşrlərin siyahısına daxildir. Jurnal qısa müddətdə Google Scholar və Rusiya Elektron Kitabxanası (SCI) kimi biblioqrafik bazalara daxil edilmişdir. Ekspertizadan keçmiş və jurnala qəbul olunmuş bütün məqalələrə CrossRef sistemində qeydiyyatdan keçmiş rəqəmsal obyekt identifikatoru (DOI) verilir.